ადამიანო! რას წარმოვადგენ? (ჩემებური სიურეალიზმი)

Standard

არაფერი წმინდა არ არსებობს ამ ქვეყანაზე – ხანდახან მგონია… ხანდახან ვფიქრობ, რომ იმაშიც კი დამნაშავე ვარ, რაც არ ჩამიდენია არასდროს…
მინდა რომ შევქმნა. რაიმე.
სხვებისთვის, ხალხისთვის, ჩემი თავისთვის, მეორე მესთვის…
მინდა დავხატო, დავხატო ის სამოთხე, რომელსაც მე ვხედავ ყოველ ღამე, ჩუმი ლოცვისას. მინდა გამოვიყენო ყველანაირი ღია ფერი, დავწერო მუსიკა და მისი თანხლებით ვაჩვენო მთელს მსოფლიოს, თუ რა ლამაზია სამოთხე, მაშინ როდესაც აღარაფერი გაქვს რომ იფიქრო, აღარაფერი გაქვს, რომ გეტკინოს.. როდესაც არ გაგაჩნია გრძნობები, როდესაც ყოველ წამს ეშვები დაბლა თითო საფეხურით და იმსხვრევა შენი უკანა ნაბიჯები.. მინდა ან შევქმნა, დავხატო, დავუკრა, დავწერო ისეთი რამ, რაც მიაღწევს სხვამდე, რაც გააგებინებს თუნდაც ერთს, რომ მე ვარსებობ.. ვარსებობ არა მხოლოდ ჩემს წარმოსახვაში, არამედ რეალურად, ადამიენების გვერდით. რომ მეც გამაჩნია ბებერი, გაცვეთილი გრძნობები..
ხანდახან ვწერ, ვწერ.. მაგრამ არც კი ვიცი, რა აზრი აქვს ამას.. წაიკითხავს რომელიმე ჩემი მეგობარი, ახლობელი და მეტყვის “ყოჩაღ, შესანიშნავია!!!” დაა მეც თვითდაჯერებული იდიოტივით გამიხარდება ნაცნობის ზრდილობის გამო შექება…
მადლობის მეტი რა მეთქმის თქვენთან….
ეს სიტყვებიც ფუჭია. არ არსებობს რეალობა გაღვიძებულ ცხოვრებაში.. საუკეთესოა სიზმრებში ცხოვრება, საუკეთესოა სამყაროს ისეთად შექმნა, როგორიც შენი ქვეცნობიერია, საუკეთესოა უბრალოდ თვალების დახუჭვა, ფიქრებისაგან, ტკივილისაგან გათავისუფლება და ჩუმ ლოცვაში, იმ თეთრ სამოთხეში დაძინება…
ოდესმე გაჩვენებთ მე ჩემს სამოთხეს..
თუ კი შევძელი მისი დახატვა….
ფურცლებზე გავფანტავ ჩემს განცდებს, გავავსებ ქუჩებს ჩემი თვალებით, ჩემი სულებით….
მე ხომ აღარაფერი დამრჩა.. უბრალოდ ვარსებობ…
და მენატრება ცხოვრბა, თქვენთან ერთად…
როდესაც მწყინს, წარმოვიდგენ, რომ ვერავინ მხედავს. უჩინარი ვხდები აბსოლუტურად..
აი მაშინ ვგრძნობ, რომ მიტოვებული ვარ, რომ არავის ვჭირდები, უბრალოდ რაღაცას ვაკეთებ და ვარ თქვენთან იმიტომ, რომ ჩემი ნივთი, ჩემი პატარა აზრი გაგანდოთ. მერე მიხდით თქვენ მადოლბას, მეუბნებით, რომ არა მე, არაფერი გამოვიდოდა, მოგწონთ ჩემი ფოტოები, მოგწონთ ეს აბურდული მანერისტული სიურრეალიზმი და იმასაც ვერ ხვდებით, თუ როგორი ვარ მე სინამდვილეში. თქვენ მე მკითხულობთ, როგორც გადაშლილ წიგნს, თქვენ მე მიყურებთ, როგრც მიტოვებულ სევდას.. მაგრამ არ აღმიქვამთ ადამიანად. ადამიანი ხომ ლამაზია! მას ხომ ყველაფერი შეუძლია!!!
მაშინ გეკითხებით, ვინ ვარ მე თქვენთვის? განა წარმოვადგენ რამეს?
მე არ ვარ ლამაზი, არ ვჯდები თქვენს სტანდარტებში, ხანდახან ვარ ცოტა კაპრიზნიც და ეს ყველაფერი ხდება იმის საბაბი, რომ დამტოვოთ..
მე ძალიან მიყვარს “უკანასკნელი ფოთლის” ისტორია, რომელიც კედელზე იყო მიხატული მხოლოდ იმისთვის, რომ სიცოცხლე შეენარჩუნებინა პატარა გოგონასათვის… მის ხატვას და გადარჩენილ სიცოცხლეს კი მიყურებულ კიბეზე გათავებული ადამიანი, მისი ნიჭი.. სიცოცხლე შეეწირა…
რომელი ჯობია, ვიყო ფოთოლი, თუ ის მხატვარი, რომელიც მთელი ცხოვრება ვერაფერს აკეთებდა ისეთს, რომ შეეძრა სხვების სულები, სიცოცხლის ბოლოს კი გადაარჩინა სიცოცხლე..?
მე ალბათ მხატვარი ვარ…
მიტოვებული და შავად დასვრილი მოლბერტით…
მხატვარი რომელსაც უყვარს მუსიკა, უყვარხართ თქვენ და უყვარს სიცოცხლე იმენად, რომ შეუძლია თქვენთვის დათმოს ის….
მე განცდები ვარ.
მე ემოცია ვარ.
და
მე საერთოდ არავინ არ ვარ!
მე არ ვარსებობ…
უბრალოდ ლანდად დადის ჩემი სული დაკარგული სიზმრებში, შეყვარებული სიზმრებზე, დაჯერებული სიზმრების რეალობაში…
ეს მე ვარ ჩემთვის!
მაგრამ რას წარმოვადგენ შენთვის, ვინც ახლა ამას კითხულობს?
რას წარმოვადგენ მე ადამიანისთვის, რომელიც არც კი მიცნობს, რომელსაც ალბათ უფრო მეტი საფიქრალი [ან იქნებ საერთოდ არ] აქვს?..

ა – დ – ა – მ – ი – ა – ნ – ო!!!!!

რა გინდა შენ?!
მე…
გელოდები….

Advertisements

10 thoughts on “ადამიანო! რას წარმოვადგენ? (ჩემებური სიურეალიზმი)

  1. lien

    saocari gancda dameufla .. dro gaiyina titqos chems irgvliv da megona chems tavs vkitxulobdi.. martla , martla gavogndi .. megona mxolod me viyavi “aseti” da exla mixaria rom shenc xar aseti.. “ra ginda shen? ” minda rom wero , radgan es arachveulebrivad gamogdis, imas wer rasac grdznob da es gulwrfeloba gulgrils veravis datovebs …………

  2. გავთითოკაცდით( საკუთარ სევდაში ჩავიკეტეთ…. შენ ჩემთვის ძალიან კარგი ადამიანი ხარ, ნათელი სულით, რომელმაც ცხოვრება უნდა ისწავლოს და შეიყვაროს მთელი გულით, სიყვარულის დაკარგვის კარგად გაცნობიერებული პერსპექტივით… მე შენ მიყვარხარ)

დააკომენტარე

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s